Tèh Celup
CRITANÉ Dasmad, Kapèr, lan Jayèng dadi drakula, lagi pada kumpul nang kafé Emblak Embluk. Sauwisé ngobrol ngalor-ngidul, Drakula Dasmad Cs pada ngorong.
“Hai pelayan! Nyong pesen inungan getih prawan ting-ting” omongé Drakula Dasmad maring pelayan kafé. Ora suwé pelayanané teka.
“Yanu pesen sebotol getih kakèk-kakèk. Ngorong nih, gagiyan!” omongé Drakula Jayèng maring pelayan kafé.
Ora suwé pelayané nggawa inungan sing dipesen Drakula Jayèng.
Saiki giliran Drakula Kapèr, pesen sagelas banyu putih, ndadèkna Drakula Dasmad lan Drakula Jayèng cekakakan.
“Saiki raimu wis insaf, Pèr? Ora nginung getih maning?” omongé Drakula Dasmad kambèn Drakula Jayèng.
Drakula Kapèr ora nyuwara, kur tangan tengené sing ngrogoh sak ngingsoré, ngetokna softex.
“Akhir-akhir kiyé, nyong lagi seneng nginung tèh celup, bol!” omongé Drakula Kapèr (Lanang Setiawan)
Layang
NANG zaman susah waktu kiyé, barang-barang larang kabèh, akibaté akèh uwong sing pada mblangsak. Salah sijiné Kapèr sing waktu kiyé lagi mbara nang Jakarta, ora bisa kirim wèsel maring bojoné, mung cukup kirim layang. Isiné kaya kiyé:
“Bojoné enyong sing ayu dèwèk, wulan kiyé enyong ora bisa kirim duwit. Bisané mung ngirimi kowen 1000 kecupan. Maafé sing gedé ya? Lakimu Kapèr”.
Samingguné Kapèr olih balesan layang sing bojoné. Isiné kaya kiyé:
“Lakiné enyong Kang Kapèr sing paling bagus. Makasih kiriman 1000 kecupané sampèyan. Kanggo wulan kiyé, enyong pan laporan soal rèng-rèngan pengeluwaran kaluwarga…”
Sadèlat-dèlat Kapèr ngunjal ambekan maca layang sing bojoné. Latan diwaca maning terusané:
“Sing dodol lenga tanah gelem nrima kecupan pipi kiwa tengen saka enyong saben-saben nyong olih gratisan 5 liter lenga tanah. Tukang listrik gelem dibayar nganggo patang kecupan dong tanggal 10 saben wulané. Samana uga sing duwé umah kontrakan, ora nolak dibayar nyicil, nganggo kecupan ping telu saben dinané. Tapi sing paling crèngkèng, malah Kang Jayèng. Dèwèké ora gelem dimèin kecupan, njaluké liyané. Kepaksané tak mèin apa sing dijaluk. Moniné, utangé sampèyan waktu pan mangkat maring Jakarta, bur baé ya ora papa. Malah dèwèké nawani dong butuh duwit, ngomong baé, bayaré biasa. Kaya kuwé jaréné Jayéng. Ya wis ya Kang? Samèné baé layang sing enyong: Dariyah..…” (Lanang Setiawan)
Pertambangan
YAHANUNÉ Kapèr pan maring Jakarta numpaké sepur Argo Loyo. Kambèn ngentèni sepur mangkat, dèwèké ngobrol karo calon penumpang liyané sing tujuané uga pada. Wong loro bener-bener numpak sepur, njagongé pas temen jèjèran. Kanca perjalanané Kapèr, uwongé bagus. Sandangané perlènte, lan mambuné wangi nganggo parfum pièrecardin.
Iseng-iseng, Kapèr takon maring dèwèké.
“Dinasé nang endi Pak?”
“Nang Pertamina. Bapaké sih nang endi?” wong sing dijak ngomong Kapèr balik takon.
“Oh…nyong tah dinas nang Pertambangan, Pak” jawabé Kapèr.
“Wah hèbat dong! Tambang emas apa batu bara?” takoné.
“Dudu…”
“Lha sih, nang endi Pak?”
“Maksudé enyong, enyong kiyé wong sing sokan nggawèni Tambang kaya dèné Tambang Duk lan liya-liyané!” (Lanang Setiawan)
Keterangan Gambar: ANGELINA JULIE
